پونچھ میں فوج کی گاڑی پر فائرنگ، تلاشی کارروائی شروع

پونچھ// پونچھ ضلع کے کواڑیاں علاقے میں جمعہ کی شام مشتبہ ملی ٹینٹوں نے فوج کی گاڑی پر فائرنگ کی تاہم اس دوران کسی جانی نقصان یا زخمی ہونے کی کوئی اطلاع موصول نہیں ہوئی ہے۔
ذرائع نے بتایا کہ پونچھ-مینڈھر سڑک پر ایل او سی کے قریبی علاقہ لوئر کرشنا گھاٹی اور جھلاس کے درمیان کواڑیاں مشتبہ ملی ٹینٹوں نے فوج کی گاڑی پر فائرنگ کی تاہم اس دوران کوئی نقصان نہیں۔
انہوں نے بتایا کہ فوج و سیکورٹی فورسز نے علاقے کو محاصرے میں لے کر مشترکہ تلاشی آپریشن شروع کیا اور مینڈھر پونچھ روڈ کو گاڑیوں کی آمدورفت کیلئے بند کر دیا گیا۔
اس سلسلے میں مزید تفصیلات کا انتظار ہے۔